Klaudia Pepa është ndër emrat më të njuhur e cila prej disa kohësh jeton në Itali për të zhvilluar karrierën profesionale, ku në fakt nuk kanë qenë të pakta lajmet e mira për suksesin e saj, përmendim së fundmi pjesëmarrjen si protagoniste në programin Italian, “La Repubblica delle donne” në moderimin e (artistit, komikut) Piero Chiambretti në Mediaset. Por tashmë prej një muaji balerina shqiptare është vetizoluar në shtëpinë e saj në Lago Di Garda, provincë e Brescias, e cila është në zonën e Lombardisë, zonë kjo e shpallur e kuqe prej kohësh për shkak të përhapjes së virusit dhe numrit të lart të të infektuarve dhe viktimave. Për të folur më gjatë këtë mëngjes ajo na hapi derën e shtëpisë dhe në një lidhje skype, na rrëfeu se si organizon ditën e saj brenda katër mureve të shtëpisë. "Të them të drejtën nuk jam mërzitur shumë sepse organizoj gjëra të ndryshme në shtëpi. Kam një sallë baleti ku stërvitem çdo ditë, sot akoma nuk jam stërvitur se jam këtu me ju. Më pas dal me qentë e mi bëj një shëtitje, kthehem në shtëpi gatuaj, shoh një film pas dreke, mund të lexoj ndonjë libër, instagram, social media, video tikotok etj"- na tregoi pak nga dita e saj balerina Klaudia Pepa.