Wake Up/ Maturantët në provim: Testi me alternativa, korrigjimi elektronik dhe pragu i kalueshmërisë

Data 5 qershor, pra nesër është dhe dita e fundit e të gjithë maturantëve në ambientet e shkollave. Pas tre javëve mësim dhe konsultim, të rinjtë nesër i japin fund ciklit të shkollës së mesme, por jo se e kanë përfunduar maturën. Në datën 8 qershor, mijëra maturantë do t'i nënshtrohen provimit të parë, që është gjuha e huaj. Por këtë vit do të ketë risi në zhvillimin e testeve, madje edhe në mënyrën e vlerësimit të tyre. Pandemia nga Covid19 natyrisht që do të kërkojë rregulla edhe më strikte të zhvillimit të testimeve të maturantëve, që nga mënyra e hyrjes në ambientet ku ata do të kryejnë provimet, qëndrimit në klasa, mbikqyrja nga ana e administratorëve gjatë zhvillimit të testimit etj. Për të gjitha detajet për të cilat sot janë të interesuar të gjithë të rinjtë që na kanë shkruar gjatë kësaj periudhe, kishim të ftuar në studio, Drejtoreshën e Qendrës së Shërbimeve Arsimore, Rezana Vrapi. Info: Datat e Provimeve të Maturës Shtetërore 2020: Gjuhë e Huaj – 8 Qershor 2020 Gjuhë Shqipe – 11 Qershor 2020 Matematikë – 15 Qershor 2020 Provimi me zgjedhje – 18 Qershor 2020