Do të duhej të ishte paraqitur në gjykatë nën akuzë për keqtrajtim të miturish sepse nuk lejon prej 1 viti tre vajzat e tij të arsimohen; ka kundërshtuar policinë dhe u ka nxjerrë atyre armën duke i kërcënuar. Historia e Roland Kryemadhit, babait 39-vjeçare që jeton në Kamëz, dhe që me pretendimin e predikimit fetar islam ka penguar vajzat të veshura me shami të ndjekin shkollën, ka ngjallur mjaft debate dhe reagime. Në Shqipëri, shkolla publike është falas dhe arsimimi është i detyruar për vajzat dhe djemtë nga mosha 6 deri 16 vjeç. Nëse prindi nuk çon në shkollë fëmijën në arsimin e detyrueshëm, atëherë ndaj tij ka penalitete. Por heqja e fëmijëve nga shkolla nuk ndodh vetëm për shkak të besimit fetar apo moralit, si në rastin që po flasim, por edhe për dhjetëra arsye te tjera. Diskutuam në studio me gazetaren e TCH, Anila Hoxha dhe me Linda Pinon e Koalicionit për Arsimin në Shqipëri