Për herë të parë në Sheshin Skënderbej me 28 nëntor nën ritmet e 15 baterive që do të interpretojnë live do të kryhet ceremonia e ngritjes së Flamurit. Është kjo surpriza që ka përgatitur Bashkia e Tiranës për Festat e Nëntorit. "Kjo është diçka shumë e rrallë që nuk është bërë ndonjëherë. Janë 15 bateristë që me 28 nëntor, do të interpretojmë vijën melodike të Himnit të Flamurit me groove. 15 tinguj baterie që bëhen bashkë. Sigurisht do të respektojnë distancat dhe masat e AntiCovid.Ishte parashikuar të bëhej me 45 bateristë por për shkak të situatës e reduktuam me 15 numrin e tyre"- thanë organizatorët Ergys Myftari, baterist dhe Marjo Deda, Drejtues i Orkestrës.