Teksa në të gjithë vendin tonë janë shpërndarë 38400 dozat e vaksinës AstraZeneca, kryeministri Edi Rama ka thënë se Italia ka rifilluar aplikimin e kësaj vaksine. “Dje agjencia Kombëtare e Shëndeti në Itali e ka rifutur Asta Zenecan se ka verifikuar se nuk asnjë lidhje me ato që ka ndodhur” ka thënë Rama. Kjo deklaratë e Ramës ka ardhur teksa ai inspektonte procesin e nisjes së vaksinimit të mësuesve në Lezhë. Ndërkohë Ministrja e Shëndetësisë, Ogerta Manastirliu ka thënë se sot kanë marrë informacion nga Pfizer se do të mbërrijnë në vendin tonë 9320 doza të tjera vaksine. Manastirliu: Është një situatë që po monitorohet ashtu siç ndodh me vaksinat. Rama: Duhet ta mbyllim shpejt procesin se nuk ka kohë. Na vijnë vaksinat e tjera. Shpejt, shpejt, shpejt. Do sjellim një mal me doza dhe duhet ta dyndim Shqipërinë me vaksina. Manastirliu: Kemi një lajm të mirë nga Pfizer. Sot kemi njoftimin. Vijnë 9320 doza të Pfizer. Vijojmë vaksinimin për dozat e dyta me Pfizer. Plotëson dozat e tjera që janë bërë. Rama: Qëllimi është që deri në fillim të qershorit të kemi shkëputur hallka të zinxhirit infektues.