Arrestimi i grabitësit të një pike të këmbimit valutur në Tiranë u kthye në një minerë të plotë informacioni për Policinë dhe institucionet e drejtësisë shqiptare. Artan Tafani ishte pjesa e fundit që plotësoi puzzlen dhe hodhi dritë mbi të shkuarën e errët. Pendimi i Artan Tafanit dhe bashkëpunimi me uniformat blu I mundësoi policisë zbardhjen e 18 ngjarjeve të rënda kriminale të ndodhura në harkun e viteve 2018- 2021. Mes tyre vrasje, shkatrim të pronës me eksploziv, sigurim kushtesh për kryerjen e vrasjeve si edhe vjedhje dhe kërcënim të punonjsve të policisë. Në një operacion I cili zgjati rreth 12 orë policia mundi të shkatërrojë një grup vrasësish me pagesë të cilët në qytete të ndryshme të shqipërisë kishin kryer krime dhe kishin mundur të mbeteshin anonym për policinë. Në krye të grupit kriminal, sipas deponimeve të bashkëpunëtorit të drejtësisë, qëndron i shumërkuari Leart Haxhiu I cili megjithse në kërkim që prej vitit 2017 për vrasjen e Jurgen Hoxhës dhe Zamir Latifit në Lushnjë ka mundur të kryejë dhjetra krime në shqipëri dhe Greqi.