Drejtori i Agjencisë për Parandalimin e Korrupsionit në Kosovë, Ylli Buleshkaj deklaron se nga rreth 10 mijë e 700 zyrtarë publikë të detyruar të deklarojnë pasurinë, 141 prej tyre nuk e kanë përmbushur këtë detyrim brenda afatit ligjor, numër ky në rritje krahasim me vitin e kaluar. Sipas tij, tashmë ka nisur procesi i shqyrtimit të gjobave për këta zyrtarë publikë. Buleshkaj: Kemi rreth 10 mijë e 700 zyrtarë publik që kanë qenë të obliguar “Kemi rreth 10 mijë e 700 zyrtarë publik që kanë qenë të obliguar për të kryer obligimin. Nga ta vetëm 141 nuk e kanë kryer brenda afatit. Fillimisht kemi pas një listë prej rreth 300-ve, kur është pastruar lista, jemi ardhur tek lista prej 141 zyrtarë. Ne tashmë kemi dërguar kërkesat tek institucionet për pagat e tyre dhe jemi në proces të shqyrtimit të gjobave për këta zyrtarë publikë. Besoj se brenda javës së ardhshme, do të publikojmë edhe listën gjithë këtyre zyrtarëve të cilët nuk e kanë respektuar ligjin....