Gabriel Escobar, zëvendësambasadori i Shteteve të Bashkuara në Serbi, javën e ardhshme pritet të emërohet si zëvendësndihmës sekretar për Çështje të Evropës dhe Euroazisë në Departamentin amerikan të Shtetit. Lajmi u bë me dije nga agjensia e lajmeve serbe Beta, ku sipas tyre ky njoftim ka ardhur nga Ambasada amerikane në Beograd. Deri më tani ky post I përkiste Mathew Palmer, i cili ka qenë edhe përfaqësues i posaçëm i DASH-it për Ballkanin Perëndimor. Gabriel Escobar, është nderuar gjashtë herë nga Departamenti amerikan i Shtetit me Çmimin e Lartë të Nderit dhe një herë me Çmimin për Merita të Larta. Ky I fundit po ashtu është nderuar nga DASH-i për Çmimin për Shërbimin Civil si dhe ka marrë Çmimin për Shërbim Ushtarak. Escobar ka mbajtur pozita të larta në Ambsadën amerikane në Bagdad, si dhe ka qenë udhëheqës i ekipit amerikan për rindërtim në Kirkuk të Irakut.