Alarmi është maksimal në Palermo të Italisë, ku është ngritur një qendër operative komunale për emergjencën e shkaktuar nga zjarret që kanë përfshirë kodrat përreth kryqytetit të Sicilisë. Zjarret kanë përfshirë malin Capo Gallo, dhe kodrat përreth. Aeroporti i palermos qëndroi i mbyllur deri në orën 11 të së martës me fluturime të vonuara dhe anuluara. Zyrtarët e emergjencave bëjnë të ditur se janë evakuuar 150 persona ndërsa flakët kanë mbërritur deri në autostradën Palermo-Mesina duke bërë që të mbyllen disa dalje prej saj. Mbrojtja civile, gjatë të hënës, numëroi 43 vatra zjarri në të gjithë sicilinë. Në ishull ndërkohë janë regjistruar temperatura rekord. Në Sirakuza dhe katania termometri ka treguar 47.6 gradë celcius. Një grua 88 vjecare humbi jetën atje pasi për shkak të zjarreve, urgjenca nuk mundi të mbërrinte në kohë për t’i dhënë ndihmën e parë.