Imazhet tregojnë zjarrfikësit që shpëtojnë një grua, nga një dritare, duke përdorur një litar pasi një zjarr, që mund të jetë shkaktuar nga një bateri me jone litiumi shpërtheu në një ndërtesë të banuar në Nju Jork. Zyrtarët thanë se të paktën 38 persona u lënduan si pasojë e zjarrit në ndërtesë. Dy nga të lënduarit janë në gjendje kritike dhe pesë të tjerë kanë plagë serioze pas zjarrit në mes të Manhatanit. Skuadrat e zjarrfikësve kanë përcaktuar tashmë si shkak të mundshëm shpërthimin e një baterie me jone litiumi dhe kanë nënvizuar se bëhet fjalë për zjarrin e 200-të vetëm këtë vit që vjen nga ky shkak. Bateritë me jone litiumi përdoren në mjete elektrike të vogla dhe të lehta si bicikletat elektronike apo skuterat elektronikë. “Kemi patur gjashtë viktima këtë vit vetëm nga këto bateri që vënë në lëvizje mjetet elektrike”, thanë zyrtarët duke shtuar se besojnë se banori i apartamentit ku mendohet se ka nisur zjarri ka qenë duke riparuar bicikletën e tij. Pmaje: Jordan Cowan