Një zjarr masiv ka përfshirë pasditen e kësaj të mërkure pyllin me pisha midis fshatrave Gjinoqarë dhe Drenie në Patos. Flakët janë përhapur me shpejtësi duke djegur një sipërfaqe të konsiderueshme, ndërsa ndërhyrja e forcave zjarrfikëse ka qenë e pamundur për shkak të terrenit të thepisur dhe mungesës së rrugëve. banorët thanë se ndihen të frikësuar dhe kërkua ndërhyrje nga ajri. sipas tyre, zjarri dyshohet se është i qëllimshëm, pasi vatra ndodhet në mes të pyllit, larg çdo rruge apo banese. Autoritetet lokale dhe shërbimet zjarrfikëse vijojnë të monitorojnë situatën, ndërsa rreziku për përhapjen e flakëve drejt fshatrave përreth mbetet i lartë. lufta me flakët po vijon edhe në finiq. Ekipet e zjarrfikësve, të mbështetura nga trupat e Forcave të Armatosura, Policisë së Shtetit dhe me ndërhyrjen nga ajri, po punojnë për të vënë nën kontroll flakët në zonat e Çerkovicës dhe Dhivrit, në bashkinë Finiq. Prej disa orësh, efektivët janë angazhuar në terren, duke luftuar intensivisht me flakët dhe duke ndihmuar në evakuimin e përkohshëm dhe shoqërimin e banorëve brenda perimetrit të sigurisë së përcaktuar. Agjencia Kombëtare e Mbrojtjes Civile vijon monitorimin e situatës dhe koordinimin me strukturat në vend për të garantuar eliminimin e rrezikut në zonë. ndërkohë gjatë orëve të darkës një vatër zjarri u aktivizua dhe në varrezat e Dhërmiut duke rrezikuar përhapjen drejt parcelave me ullinj.