Ekonomia shqiptare u rrit me ritme të qëndrueshme, ndërsa borxhi u ul në tremujorin e parë të këtij viti. Ministrja e Financave, Delina Ibrahimaj doli në një konferencë për gazetarët këtë të martë. - Sot do të përmbledhim të dhënat e tremujorit të parë të vitit. Rritja ekonomike në vend për vitin 2022 rezultoi 4.8%, më e lartë se ajo që kishim planifikuar. Për tremujrorin e fundit, rritja rezultoi 4.7% ndërkohë që ne vijojmë të mbajmë të njëjtën shifër. Rritja ekonomike në vend vitin e kaluar ishte më e lartë se vendet e rajonit. I vetmi vend që pati rritje më të lartë ishte Mali i Zi. Sa i përket inflacionit, ne kemi pasur 6.7%, ndjeshëm më i ulët se mesatarja e BE-së. Treguesit e inflacionit kanë qenë me të ulëta, qoftë për inflacionin total, qoftë për pijet dhe ushqimet. Zhvlerësimi i Euros ka pasur një efekt pozitiv sa i takon borxhit.