Detaje të reja kanë dalë në dritë në lidhje me zhdukjen në Shqipëri të sipërmarrësit italian, Davide Pecorelli, ish gjyqtar i sektorit Arezzo dhe themelues i një parukerie në Sansepolcro. Mediat italiane kanë ngritur alarmin e zhdukjes së tij duke raportuar se nuk ka pasur asnjë lajm për 45-vjeçarin që nga 6 janari. Makina me të cilën ai udhëtonte dhe kishte marrë me qira në Tiranë u gjet plotësisht e djegur në natën midis 7 dhe 8 janarit në zonën e Pukës, në male në një zonë pothuajse të humbur, afër kufirit me Kosovën. Sipas mediave italiane duke cituar burime raportojnë se hetuesit kanë gjetur brenda automjetit, objekte që i përkisnin Pecorelli, një prej tyre një orë dore. Burimet e policisë lokale thonë se, për rastin e “turistit të huaj”, hetimet po vazhdojnë pa përjashtuar asgjë. Hetimet po ndiqen edhe nga Interpol, siç është praktika kur ngjarja ka ndodhur në rrethana të tilla. Nuk është ende e qartë nëse mbetjet njerëzore që u gjetën brenda mjetit Skoda Fabia’ që u dogj plotësisht. Fakti është se partneri në biznes i Pecorellit, një banor shqiptar, ditët e fundit ka dërguar disa sende personale të sipërmarrësit në polici për krahasimin e ADN-së. Kohët e fundit Pecorelli kishte ardhur disa herë në Shqipëri për t’u kujdesur për disa biznese, që kishin të bënin me tregtimin e lazerëve për qendrat e bukurisë dhe produktet e flokëve.