Një ngjarje që mund të kishte pasoja të rënda kriminale u arrit të parandalohej në kohë nga policia e Fierit, ndërsa u bë e mundur zbardhja e një tjetër ngjarje kriminale e ndodhur në muajin prill të këtij viti në Sarandë. Në Fier, u vendos në pranga një 29 vjecar, me precedent të mëparshëm kriminal dhe i dënuar më parë për dhënie ndihme të 4 shtatasve për tu arratisur nga burgu. Albi Mëcini u arrestua në flagrancë me dy canta, në brendëësi të të cilave u gjetën 2 pako me rreth 21.3 kilogramë lëndë plasëse artizanale, të montuara me celularë, për shpërthim në distancë. Cantat me sasinë e eksplozivit u gjetën në afërsi të automjetit të 29 vjecarit, banues ky i fundit në Kamëz. Ky i fundit në bashkëpunim me dy shokët e tij Arafat Manërkolli dhe Ervis Cukali, 25 dhe 27 vjec, kishin siguruar këto kushte dhe mjete, me qëllim kryerjen e një ngjarjeje të rëndë kriminale. Manërkolli dhe Cukali janë shpallur në kërkim nga policia, ndërkohë që efektivët sekuestruan 3 bidona me lëndë djegëse benzinë që u gjetën brenda një tjetër automjeti, i cili përdorej po nga këta persona. Arrestimi i 29 vjecarit coi në zbardhjen e një ngjarje krimianle, e shënuar në Sarandë më 9 prill të këtij viti. Në policië e këtij qyteti, u raportuan të zhdukur dy persona, Leondard Theodhori dhe Fatmir Sulovari, të dy të moshave 46 vjec. Nga veprimet hetimore të kryera nga policia e Sarandës dhe ajo e Vlorës, rezultoi se Albi Mëcini është autor i dyshuar i rrëmbimit, vrasjes dhe groposjes së dy 46 vjecarëve. Lidhur me këtë ngjarje, është shpallur në kërkim Sebastian Lataj 25 vjec. Për këto dy shtetas, këtë të mërkurë, Gjykata e Shkallës së Parë e Juridiksionit të Përgjithshëm Sarandë ka caktuar masën e sigurisë “Arrest në burg”, për veprën penale “Rrëmbimi ose mbajtja peng e personit”.