Lideri i Kremlinit nuk do të shihet më në publik për këtë vit, nuk do të bëjë bilancin e 2022 dhe as nuk do ti urojë rusëve vitin e ri. Nuk ka asgjë për të thënë apo cfarë...? Pikërisht kështu, presidenti rus vladimir Putin do të mbyllë këtë vit lufte. Në javët e ardhshme, armët nuk do të heshtin në Ukrainë, por do të heshtë ai që është hakërryer me ato armë prej 10 muajsh, ose saktësisht 295 ditë. Nga kremlini është bërë e ditur se ‘cari’ i federatës ruse, tek i cili janë drejtuar sytë dhe veshët e gjithë botës, ka anuluar fjalimin e përvitshëm para kombit, në parlament dhe që ishte programuar për në 27 dhjetor. Ai ka anuluar edhe konferencën tradicionale për shtyp të fundvitit por edhe pritjen e vitit të ri. E madje jo vetëm kaq...ai do të mungojë edhe në lojën po tradicionale të hokejt, ku jemi mësuar ta shohim cdo fundvit. Ndaj, në mënyrë logjike lind pyetje: Cfarë po ndodh kështu... Putin nuk ka asgjë për ti thënë rusisë dhe pjesës tjetër të planetit apo mungesa e paralajmëruar e tij nga skena publike në periudhën e festave të fundjvitit është e lidhur me motive të sigurisë apo të shëndetit...?