Kryeministri i Kosovës, Albin Kurti, ka dhënë detaje për marrëveshjen për shtensionimin e situatës në veri të Kosovës. Ndërkohë ai vuri në pah nevojën për largim të masave ndëshkuese të BE-së ndaj Kosovës. Kurti tha në mbledhjen e qeverisë së kosovës, se me marrëveshjen e Bratislavës, 25 për qind e pranisë policore në dhe përreth objekteve komunale në veri do të zhvendosen në zona të tjera, po në ato komuna. Kurti: Kemi treguar gatishmërinë për t’i kontribuar deeskalimit të situatës në “Zëvendëskryeministri Bislimi ka arritur një dakordim me emisarin e Bashkimit Evropian Lajçak për këto pika. E para, Qeveria e Kosovës publikisht e tregon gatishmërinë e saj për tё kontribuar nё deeskalimin e situatës dhe mosndërmarrjen e hapave qё mund tё eskalojnё situatën nё veriun e vendit. Kjo nënkupton edhe reduktimin e menjëhershëm të një të katërtës të policëve që janë brenda ndërtesave apo në afërsi të tyre........ E dyta, Policia e Kosovës bashkё me EULEX-in dhe KFOR-in, sipas nevojës do të vlerësojnë gjendjen e sigurisë, nё veçanti për tё shikuar mundësinë pёr zvogëlim tё mëtejmë tё prezencës policore nё dhe rreth ndërtesave komunale. Po ashtu, Kurti nënvizoi se mbështet mbajtjen e zgjedhjeve të reja në katër komunat veriore, por sipas legjislacionit në fuqi dhe pas stinës së verës.