Shqiptarët e Luginës së Preshevës, tashmë, mund të kenë te pakten tre përfaqësues në Parlamentin e Serbisë. Një ditë më parë, në Serbi u zhvilluan zgjedhjet parlamentare ku partitë shqiptare për herë të parë garuan të bashkuara. Rezultatet e siguruara nga Lista e Luginës së Bashkuar, që bëri bashkë Partinë për Veprim Demokratik, Alternativën për Ndryshime, Lëvizjen për Progresin Demokratik, Lëvizjen për Reforma e Partisë Demokratike Shqiptare dhe Partinë Demokratike, konsiderohen shumë më të mira sesa ato të arritura në të kaluarën. Presidenti i Kosovës, Hashim Thaçi e përshëndeti këtë lajm duke thënë se bashkimi i shqiptarëve në Luginë të Preshevës e ka dhënë rezultatin e tij. Përmes një postimi në Facebook, Thaçi tha se Alternativa Demokratike Shqiptare është shembull i mirë për t’u ndjekur nga bashkëkombësit tanë kudo që jetojnë. Marrëveshja mes pesë partive shqiptare nga komunat e Preshevës, Medvegjës dhe Bujanocit në jug të Serbisë, u arrit në fillim të këtij viti.