Presidenti Volodymyr Zelensky tha të shtunën se trupat e Kievit po “përparonin” kundërsulmin e tyre kundër forcave ruse, duke hedhur poshtë kritikat nga zyrtarët perëndimorë se Ukraina po rifitonte terren shumë ngadalë. Kundërofensiva e shumëpritur, që zgjati tre muaj, ka rimarrë të paktën një duzinë fshatrash, por asnjë vendbanim të madh, teksa ushtarët hasin pengesa nga fushat masive të minuara dhe linjat e mbrojtjes ruse. Këtë javë, zyrtarë të paidentifikuar amerikanë shprehën zhgënjimin për përparimin e ngadaltë të operacionit, duke shkuar deri aty sa të fajësojnë strategjinë ukrainase, sipas disa raportimeve perëndimore që kanë zemëruar Kievin. “Forcat ukrainase po përparojnë. Megjithatë, dhe pavarësisht se çfarë thotë dikush, ju po përparoni dhe kjo është gjëja më e rëndësishme. Ne po përparojmë,” shkroi Zelensky në aplikacionin Telegram. Egziston frika se mbështetja perëndimore do të fillojë të lëkundet pasi moti më i ftohtë dhe më i lagësht ngadalëson përparimin në fushën e betejës. Perëndimi ka shpenzuar shumë miliarda dollarë për të ndihmuar kundërsulmin dhe Kievi thotë se ka nevojë për më shumë. Rusia nga ana tjetër e pershkruan kundërsulmin e Ukrainës si një dështim. Kievi pohon se po përparon qëllimisht ngadalë për të minimizuar viktimat dhe se përparimi I Ukrainës është shumë i ndërlikuar nga mungesa e fuqisë moderne ajrore. Pamjet: AFP