Presidenti ukrainas, Volodimir Zelenski, po shqyrton mundësinë e zëvendësimit të disa zyrtarëve të lartë të vendit ndërsa pretendon se një rifreskim është i nevojshëm. Komandanti i ushtrisë ukrainase Valeri Zaluzhni dhe një numër liderësh të tjerë të shtetit mund të humbasin vendin e punës në kuadër të rifreskimit – tha zelenski në një intervistë për mediat italiane.“Një rifreskim është i nevojshëm. Po flas për zëvendësimin e një numri liderësh të shtetit dhe jo vetëm në sektorin e ushtrisë. Unë po e mendoj këtë rifreskim. Është në lojë i gjithë lidershipi i vendit”, tha Zelenski. Kanë qenë të shumtë zërat në ukrainë, këto kohë, për planet e zelenskit dhe se kë do të mbajë e kë do të zëvendësojë ai në kabinet. Komandanti i ushtrisë ukrainase, Valeri Zaluzhni, është përplasur me presidentin pas atij që mund të konsiderohet dështim i kundërofensivës së kievit, vitin e kaluar. Tensionet besohet se arritën pikën e vlimit pasi zaluzhni tha në një intervistë për The Economist se lufta me rusinë kishte mbetur në vend numëro.