Ambasadori i SHBA-së në OKB, Mike Waltz, mohoi që Uashingtoni ka për synim që të pushtojë Venezuelën. “Ne nuk po pushtojmë një vend", përsëriti edhe njëherë diplomati në Këshillin e Sigurimit në OKB, qëndrimin e sekretarit Rubio duke theksuar se "nuk ka luftë kundër Venezuelës apo popullit të saj". "Ky ishte një operacion i zbatimit të ligjit në mbështetje të padive të ligjshme që kanë ekzistuar për dekada të tëra. Shtetet e Bashkuara arrestuan një trafikant narkotikësh i cili tani do të dalë në gjyq në Shtetet e Bashkuara në përputhje me sundimin e ligjit për krimet që ka kryer kundër popullit tonë për 15 vjet.", tha ai ndërsa e krahasoi operacionin me aksionin e vitit 1989 kundër diktatorit panamez Manuel Noriega. “Ky veprim i zbatimit të ligjit u drejtua në përputhje me përgjegjësinë e Presidentit të Shteteve të Bashkuara si Komandant i Përgjithshëm për të mbrojtur amerikanët në vend dhe jashtë vendit, kundër një të arratisuri i cili është drejtpërdrejt përgjegjës për narkoterrorizmin që ka vrarë qindra mijëra amerikanë dhe ka krijuar dhunë destabilizuese në të gjithë hemisferën tonë”, tha Waltz. Ndërkohë shumë shtete të tjera u rreshtuan kundër duke ngjallur debate në mbledhjen e Këshllit të Sigurimit.