Trupi i pajetë i një burri është gjetur i mbyllur në një valixhe në një rrugë të Romës. Alarmi në zonën e santa maria del soccorsos është ndezur kur një kalimtar i telefonoi policisë pasi kishte vënë re rrëke gjaku që dilnin nga valixhja. Në vendngjarje ka mbërritur menjëherë policia dhe agjentët, pasi kanë konstatuar kokën e një njeriu në valixhe, kanë ndjekur gjurmët e gjakut dhe kanë mbërritur kështu në një apartament ku edhe kanë gjetur shoqen e tij. Policia italiane thotë se po vijojnë hetimet ndërkohë që viktima është identifikuar. Bëhet fjalë për një 37 vjecar italian me precedentë të mëparshëm penalë. Tani po hetohet për rolin e shoqes së tij, një 39 vjecare. Gruaja duket se i ka thënë agjentëve se ai kishte vdekur në shtëpi prej disa ditësh dhe ajo kishte vendosur ta hiqte qafe trupin. Pak kohë më parë, italia u trondit kur një cift bashkëshortësh shqiptarë, u gjetën të vdekur të vendosur brenda tre valixheve, pranë burgut Solliçiano.