Në dukje i qetë dhe shpesh i qeshur, Xi Jinping mund të duket i padëmshëm, por ekspertët, prej kohësh kanë paralajmëruar se ai synon dominimin e botës. Nën diktaturën e tij ai ka kryer abuzime të rënda me të drejtat e njeriut, mbi ujgurët, ka shtypur liritë në Hong Kong dhe tani duket se është kthyer nga Tajvani. 70 vjecari Xi Jinping, ka udhëhequr më shumë se 1.4 miliardë njerëz që nga 2013-ta, dhe është përshkruar nga analistët si lideri më autoritar i kinës që nga koha e kryetarit Mao. Ai ka kaluar më shumë se një dekadë duke forcuar pushtetin e tij mbi Kinën dhe duke luftuar cdo kërcënim të brendshëm ndaj autoritetit të tij. Në zgjedhjet e marsit të vitit të kaluar, Xi Jinping siguroi një mandat të tretë duke thyer rekordet, pasi askush nuk guxoi të dilte përballë tij. Dhe sundimi i tij mbi popullatën kineze, ka qenë thuajse i pamëshirshëm.