Tre goditje me thikë në kraharor në harkun kohor të vetëm pak orëve në zonën e Riminit të Italisë, janë kryer nga dora e një 54 vjeçari shqiptar, për motive xhelozie. ‘San Marino Tv’ raporton se rreth orës 13:00, shqiptari Pëllumb Jaupi rrahu brutalisht dhe goditi me thikë në kraharor ish-bashkëshorten e tij dhe më pas u nis drejt Riminit. Sapo mbërriti në Miramare, ai hyri në një hotel duke u konfliktuar dhe goditur me thikë, menaxherin e hotelit, një 47-vjeçar nga Rimini, duke besuar se ky i fundit kishte një lidhje me ish-bashkëshorten e tij. Menjëherë ka ndërhyrë në vendngjarje skuadra mobile, e cila vuri në pranga Pëllumb Jaupin. Gjatë përplasjes fizike me pronarin e hotelit, në debat ka ndërhyrë edhe motra e tij e cila gjithashtu ka marrë plagë me thikë, por ndodhet jashtë rrezikut për jetën.