Faqet lokale të lajmeve në Rusi raportojnë se Grupi Wagner ka rifilluar rekrutimin e ushtarëve në qytetet ruse të Perm dhe Novosibirsk gjatë ditëve të fundit. Ato raportojnë se njësia e re që po krijohet me rekrutët e rinj, tani drejtohet nga Pavel Prigozhin, djali i themeluesit të ndjerë të Wagner, Yevgeny Prigozhin. "Ne rekrutojmë ata që tashmë kanë përvojë luftarake, duke përfshirë ata që kanë qenë tashmë anëtarë të një kompanie ushtarake private", është shprehur një nga rekrutuesit. Wagner, megjithatë, ka braktisur strategjinë e tij të mëparshme për të tërhequr rekrutët nga burgjet. Një burim brenda njësisë mercenare raporton se rekrutimi ka vazhduar për "dy ose tre ditë", duke vënë në dukje se të dënuarit dhe të sëmurët nuk pranohen. Rekrutët po nënshkruajnë kontratat e tyre me njësinë luftarake Rosgvardia, jo me Ministrinë e Mbrojtjes së Rusisë. Fati i grupit mercenar më famëkeq të Rusisë mbeti i pasigurt pas rebelimit të Ëagner kundër Kremlinit në qershor dhe një aksident avioni që vrau Prigozhin dhe disa komandantë të tjerë të lartë dy muaj më vonë.