Presidenti i Serbisë, Aleksandër Vuçiç, ka ftuar të shtunën presidentin rus Vladimir Putin dhe atë ukrainas Volodimir Zelenksy që të bëjnë lëshime të konsiderueshme për hir të paqes. Vucic thotë se për të zgjidhur një konflikt ushtarak duhen dy persona. Prandaj i them Putinit dhe Zelenskit që ta pranoni këtë faj, të bëheni tradhtarë, të humbni zgjedhjet por të shpëtoni vendin”, u shpreh ai gjatë një interviste për televizionet serb. Ai më tej pyeti dy presidentët nëse dëshirojnë fundin e luftës apo fitoren. Presidenti parashikon se situata në ditët, javët dhe muajt në vazhdim vetëm sa do të përkeqësohet. Presidenti serb shtoi se në fund Putin dhe Zelenski do ta nënshkruajnë një marrëveshje të mirë dhe shtroi pyetjen pse nuk e bëjnë tani dhe të shmangin shkatërrimin e mëtejshëm të Ukrainës. Ndër të tjera foli presionin e madh ndërkombëtar për të dënuar pushtimin rus, duke theksuar se Serbia po detyrohet që të humbasë të vetmin aleat në Këshillin e Sigurimit në Kombet e Bashkuara.