Presidenti i Serbisë, Aleksandar Vuçiç, njoftoi mëngjesin e së premtes se është takuar me ministrin e tij të Brendshëm dhe shefin e Shtabit të Përgjithshëm të ushtrisë serbe por ai nuk dha ndonjë detaj se për çfarë u diskutua. “Gjatë natës dhe mëngjesit me ministrin e Mbrojtjes, Millosh Vuçeviç, dhe shefin e Shtabit të Përgjithshëm të Forcave të Armatosura, Millan Mojsilloviç... Nuk ka dorëzim”, shkroi Vuçiç në llogarinë e tij në Instagram. Sigurisht që temë diskutimi ka qenë veriu i kosovës dhe zhvillimet më të fundit atje, me tensionet që nuk po dijnë të bien. Policia e Kosovës njoftoi mbrëmjen e të enjtes se kishte shtuar praninë e saj në veriun e mbetur tani pa ruajtës të rendit, për shkak të dorëheqjes së policëve serbë një muaj më parë dhe kjo preku menjëherë nervin e beogradit dhe popullatës serbe në veri. Më herët, shefi i zyrës për Kosovën në qeverinë e Serbisë, Petar Petkovic, tha se Serbia "do të shqyrtojë dërgimin e 1.000 forcave të saj të sigurisë" në Kosovë, duke e bazuar këtë në rezolutën 1244 të kombeve të bashkuara. Por një gjë e tillë, do të conte në një përshkallëzim të jashtëzakonshëm të situatës dhe pasojat do të ishin të paparashikueshme.