Emri i Rado Trajkoviçit është përmendur shumë shpesh së fundmi. Ajo është bërë këshilltare në Qeverinë e Kosovës dhe për këtë ka pasur probleme jo vetëm në pikat kufitare Serbi-Kosovë. "Kam lindur atje dhe dua të punoj për qetësimin e gjendjes, dhe që kjo të jetë jo vetëm retorike, por mbi të gjitha njerëzore”, tha Trajkoviq për DË. Ajo shton se dy vendet janë të afërta mes tyre dhe se së bashku duhet të ecin drejt "Evropës". Autoritetet e Beogradit, shton ajo, po e pengojnë në punën e saj, pasi e shohin si dikë që dëshiron t'ia "heqë Kosovës një pjesë të kontrollit mbi serbët nga Vuçiç, dhe pjesën e tij kriminale që e udhëheq atë, e që është Milan Radoiçiç”. Trajkoviç thotë se kur është në Beograd jeton në thelb "nën arrest shtëpie" dhe se atje nuk është "aspak e lirë". Ajo "ndihet më e relaksuar” në Kosovë, edhe pse dikur ishte nën mbrojtjen e fortë të bashkësisë ndërkombëtare.