“ Nëse do të njhja Kosovën, do të merrja Nobelin e Paqes”, ka deklaruar presidenti serb Aleksandar Vucic gjatë një interviste të dhënë për televizionin vendas, Happy. “vetëm një Serbi e dobët dhe e pasuksesshme do të ishte e mirë për të gjithë dhe unë atëherë do të isha “më i miri në botë””, është shprehur ai. Vucic nenvizoi se do të ishte shumë i interesuar se çfarë do të thoshte historia në “50 vjet ndërsa përsëriti se që nga ardhja e tij në pushtet, Serbia ka ndërtuar më shumë rrugë sesa gjatë gjithë periudhës së qeverisjes së Titos. Kreu i shtetit serb u ankua se ishte më i prekur nga kritikat ndaj sistemit shëndetësor nga raporti i Parlamentit Evropian, sepse siç tha ai “kjo është e padrejtë”. Me tej përmendi edhe Sllobodan Milloshevicin, e tha se ai që bota e njeh is “Kasapi i Ballkanit”, nuk ka qenë as budalla e as i pamençur, por ka bërë disa gabime, në mesin e të cilave edhe luftërat në ish-Jugosllavi. Vucic fshikulloi edhe një herë SHBA-në dhe Gjermaninë duke thënë se ato dëshirojnë të mbrojnë interesat e veta në Kosovë, teksa po përpiqen siaps tij të largojnë Rusinë dhe Kinën nga Ballkani.