Aleanca mes Shqipërisë, Kosovës dhe Koracisë vijon të shqetësojë presidentin serb Aleksandër Vuçiç. Në margjinat e konferencës së Sigurisë në Mynih, Vuçiç tha para gazetarëve se është ende në pritje të një përgjigje të arsyesse përse po krijohet një aleancë ushtarake mes Tiranës, Prishtinës dhe Zagrebit. Ndërsa sqaroi se një nga arsyet e armatosjes së Serbisë është kjo marrëveshje. “Me formimin e një aleance ushtarake të Kroacisë me Prishtinën dhe Tiranën, ne jemi seriozisht të rrezikuar dhe do të merremi me këtë çështje me shumë seriozitet. Së shpejti do të marr pjesë në kolegjiumin e Shtabit të Përgjithshëm dhe të Ministrisë së Mbrojtjes [të Serbisë] dhe do të vizitoj të gjitha fabrikat e industrisë ushtarake. Do të investojmë një shumë të madhe shtesë të parave në fabrikat e industrisë ushtarake”, tha Vuçiç, duke shtuar se nga tani e tutje “30, ndoshta deri në 40 për qind” e prodhimit ushtarak do të destinohet drejtpërdrejt për Serbinë. Pakti mes tre vendeve në fushën e mbrojtjes u nënshkrua në mars të vitit të kaluar. sipas marrëveshjes të tre vendet do të bashkëpunojnë në rritjen e sigurisë dhe stabilitetit në Europën Juglindore. Ndërkohë ministry I mbrojtes Pirro Vengu pati një ftesë të hapur dhe për Serbinë që të bashkohej në këtë pakt. Por ftesa e tij duket se është refuzuar nga Vuçiç që I sheh tashmë tre shtetet si armiq.