Top News- Vuçiç informon klerikët për presionet!/Presidenti serb – Nyja Kosovë do zgjidhet shpejt

Presidenti i Serbisë, Aleksandër Vuçic zbuloi të mërkurën se presioni ndaj Beogradit për njohjen e Kosovës është rritur pas deklaratave të kreut të Kremlinit, Vladimir Putin se ndoqi shembullin e Prishtinës për shpalljen e pavarësisë në rajonet e Luhanskut dhe Donetskut në Ukrainën Lindore. Pas një takimi me klerikët serbë Vuçic shkoi edhe më larg, duke thënë se vjeshta e këtij viti do të jetë “më e vështirë sesa ajo e 1945, kohë gjatë së cilës përfundoi dhe Lufta e Dytë Botërore. Presidenti serb u ndal tek deklaratat e homologut rus në lidhje me Kosovën, duke thënë se nga dita që Putin tha e bazoi pushtimin e tij të Ukrainës në aspektin formal, ligjor dhe politik, mbi Kosovën, të gjitha fuqitë perëndimore kanë punuar në këtë drejtim.