Bashkimi Europian është drejtuar me një thirrje për ulje të tensioneve në Serbi, ndërsa ka theksuar se vlerat themelore janë në thelb të “projektit të përbashkët evropian”. Reagimi i Brukselit, erdhi pas paralajmërimeve për një tubim të madh në Beograd që planifikohet të mbahet më 15 mars, në të cilin autoritetet serbe parashikojnë që të ketë “dhunë të madhe”, ndërsa presidenti i shtetit ka paralajmëruar arrestime. “BE-ja vazhdimisht bën thirrje për uljen të tensioneve, duke krijuar kushte për një dialog përfshirës që përfshin të gjitha palët e interesuara, përfshirë aktorët politikë, institucionet dhe anëtarët e shoqërisë civile, për t'u marrë me reformat e nevojshme për të ardhmen e Serbisë në BE”, thuhet në përgjigjen nga Brukseli. Po ashtu, BE tha se pjesëmarrja e qytetarëve luaj rol kyç në zhvillimin e një shoqërie të shëndetshme dhe demokratike, duke përfshirë edhe promovimin e transparencës dhe përgjegjësisë.