Edhe pse ishte paralajmëruar se më 28 shtator, në Bruksel do të zhvillohej takimi i radhës i nivelit të lartë mes Prishtinës dhe Beogradit, ku do të takoheshin kryeministri i Kosovës, Avdullah Hoti dhe presidenti i Serbisë, Aleksandar Vuçic, mbajtja e këtij takimi është vënë në pikëpyetje. Burimet diplomatike në Bruksel, thanë për REL se ende nuk është e sigurt nëse do të mbahet ky takim pasi nuk kanë konfirmim nga palët. Arsye qw takimi tw mos mbahet mund të jetë refuzimi i Kosovës për të diskutuar mbi krijimin e Asociacionit të komunave me shumicë serbe, çështje për të cilën u tha se do të diskutohet në kuadër të temës së “aranzhimeve për komunitetet joshumicë”. Në BE thone se per te folur mbi këtë temë, ashtu si dhe për çështjet e lidhura me pretendimet financiare dhe pronësore, kryeministri Hoti dhe presidenti Vuçic ishin pajtuar gjatë takimit të tyre të mbajtur para dy javësh. Por nw Kosovw, njw gjw e tillw ngjalli reagime tw forta. Sw fundi wshtw mwsuar se delegacioni i Serbisë, siç kishin konfirmuar edhe palët në dialog, kishte insistuar që për themelimin e Asociacionit të komunave me shumicë serbe të diskutohej edhe në takimin e fundit të ekspertëve, por pala kosovare e ka refuzuar një gjë të tillë.