Analisti serb që jeton në veri të Kosovës, Branisllav Kërstiç, ka folur hapur për kërcënimet dhe frikësimin e popllatës serbe në veri që do ta pranojë pavarësinë dhe institucionet e republikës së kosovës dhe drejton gishtin nga shërbimi sekret serb BIA dhe presidenti Aleksander Vucic. Duke folur për KosovaPress, ai thotë se në veri janë të pranishme grupet kriminale. Kërstiq: Kadetët që kanë braktisur policinë, nuk marrin paga nga Serbia ... Ne e dimë se kriminelët në veri janë sjellë nga Lista Serbe... Shantazhi ndaj serbëve në veri vjen drejtpërdrejt nga BIA dhe kabineti i presidentit të Serbisë. Tani kemi shantazh dhe presion kundër atyre që janë të gatshëm ta pranojnë pavarësinë e shtetit të Kosovës dhe që janë të gatshëm të aplikojnë për formimin e partive politike brenda shtetit të Kosovës. Ata janë tani në shënjestrën e listës serbe edhe presidentit të Serbisë” Edhe drejtori i Policisë për rajonin e veriut, Veton Elshani, thotë se rreziku i kërcënimit të policëve të rinj nga serbia dhe grupet e mbështetura prej saj është shumë real.