Një sherr mes dy grupeve shqiptare në Mykonos mbrëmjen e djeshme ka sjellë vdekjen e një 27-vjeçari. Ngjarja e rëndë ndodhi rreth orës 23:00 në zonën e Agios Fanourios ku të dy grupet fillimisht janë konfliktuar fizikisht, e më pas ka agravuar në përdorimin e armëve të ftohta. Sipas policisë, përplasja ka ndodhur midis dy grupeve prej 10 deri 12 personash. Sipas mediave greke, një person qëlloi me thikë 27-vjeçarin i cili ndërroi jetë në vendngjarje. Nga hetimet paraprake dyshohet se shkak i këtij konflikti ka qenë një borxh mes personave të përfshirë. Policia mbërriti në vendngjarje pas vdekjes të të riut shqiptar dhe bëri të mundur arrestimin e 5 personave, 4 nga grupi i autorëve të krimit dhe një nga banda e 27-vjeçarit. Të katër personat janë ndaluar dhe shoqëruar në Nën-Drejtorinë e Sigurisë së Mykonos.