Dy gra të identifikuara si Bukuria dhe Fatmira Bami janë gjetur të vrara brenda në banesën e tyre në Devoll. Ngjarja dyshohet të ketë ndodhur pak pas mesditës së kësaj të shtune. Sipas informacioneve paraprake në trupin e viktimave ka shenja dhune, dyshohet të shkaktuara nga goditja me sende të forta. Goditjet në kokë dyshohet se u kanë shkaktuar vdekjen e menjëhershme. Trupat e pajetë janë konstatuar nga kryeplaku I fshatit, I cili më pas ka lajmëruar policinë. NË vendngjarje po kryhet ekspertiza hetimore, teksa forca të shumta policie kanë rrethuar zonën. Dyshohet se kemi të bëjmë me një grabitje, ku autorët kanë hasur në rezistencë e më pas kanë vrarë personat në fjalë. Burime nga policia pohojnë se autori është identifikuar dhe efektivët e policisë janë vënë në kërkim. Nuk dihet nëse ka qenë vetëm një person I vetëm që ka vepruar apo ka pasur bashkëpunëtorë. Ndër të tjera thuhet se kapja e autorit është çështje minutash. Në momentin e grabitjes, në banesë kanë qenë vetëm Bukuria dhe Fatmira, teksa dyshohet se është marrë një shumë parash dhe sendesh me vlerë. Informacione këto të cilat pritet të konfirmohen nëpërmjet deklaratës zyrtare të policisë.