Një shtetas shqiptar ka vrarë me thikë bashkëshorten e tij në lagjen Dhafni të Athinës. Sipas policisë, krimi ndodhi në katin e tretë të një pallati në rrugën Lambro Kalconi të kësaj lagjeje. I pyetur prej policisë, shtetasi shqiptar, emri të cilit nuk bëhet publik për momentin, deklaroi se e vrau bashkëshorten për shkak të xhelozisë. Sipas të dhënave nga vendi i ngjarjes Viktima u gjet në banesë në një pellg gjaku me shumë shenja thike në trup. Mësohet se çifti i shqiptarëve ka një djalë 10 vjeç. Autori i krimit ka një lokal në pronësi dhe është nga Buzi i Tepelenës. Nga çfarë raportohet paraprakisht çifti ka pasur historik grindjesh dhe konfliktesh te vazhdueshme mes tyre. Mësohet se para një viti lokali ishte mbyllur për 1 muaj për shkak të një tjetër sherri që çifti ka pasur në atë kohë në ambientet e brendshme të biznesit të tyre.