Një konflikt brenda familjes në Bathorë të Tiranës, ka përfunduar në mënyrën më tragjike të mundshme, me vrasjen e një gruaje. Sipas informacione të para të mbërritura nga policia autori I krimit është Agron Tanushi, ndërsa viktima bashkëshortja e vëllait të tij, Jetmira Hasani. Nuk dihen ende rrethanat që e shtynë autorin për të kryer krimin por ajo që dihet është se Agron Tanushi ka qëlluar disa herë me armë në drejtim të bashkëshortes së vëllait të tij. Jetmira Hasani ka humbur jetën menjëherë. Sipas policisë ngjarja ka ndodhur në orën 17:40, në Bathore, në rrugën “Apollonia”, gjatë një konflikti në banesë. Menjëherë forca të shumta policie kanë shkuar në vendngjarje dhe kanë rrethuar zonën ku vijon krehjen e zonës për kapjen e autorit.