Një 62-vjeçar shqiptar që fshihej në Quebec, pasi ishte dënuar në Shqipëri 25 vite më parë për vrasjen e një polici dhe të një fëmije 8-vjeçar nuk do të ekstradohet nga Kanadaja në Shqipëri, ka konfirmuar Gjykata e Apelit në Monreal. “Gjykatësi ka vlerësuar, se provat në tërësinë e tyre nuk ishin të mjaftueshme për të urdhëruar ndalimin”, thuhet në vendimin e shpallur të Gjykatës. 62-vjeçari, Ëngjëll Brahimi, kërkonte hakmarrje për vrasjen e vëllait të tij në vitin 1997, I cili humbi jetën gjatë një shkëmbimi zjarri me policinë. Për këtë arsye ai shënjestroi shefin e hetimeve, në momentin kur po udhëtonte për pushime së bashku me familjen e tij. Ëngjëll Brahimi përmes një arme automatike, ka qëlluar në drejtim të policit dhe familjes së tij, duke lënë të vdekur në vend djalin e tij 8 vjeçar. Sipas autoriteteteve, polici ka dalë nga makina në drejtim të lumit Vjosë, ku Ëngjëll Brahimi ka vijuar ta ndjekë dhe e ka qëlluar disa herë duke e vrarë. Autori 62-vjeçar është identifikuar rreth 5 muaj më vonë nga gruaja e policit, përmes disa fotografive. Ëngjëll Brahimi u largua fillimisht drejt Greqisë dhe më pas në Kanada, ku arriti të merrte edhe shtetësinë. Pas nisjes së kësaj çështje gjyqësore në Kanada, mbrojtja e ibrahimit ka këmbëngulur për pasaktësi ligjore nga Shqipëria. Prokurori i përgjithshëm i Kanadasë, e kishte çuar çështjen në apel, duke pretenduar disa gabime nga gjyqtari. Por në fund të procesit, gjykata më e lartë e Quebec-ut vlerësoi se nuk kishte pasur asnjë gabim.