Kyle Rittenhouse, 18 vjecari i akuzuar se vrau me një armë zjarri dy persona dhe plagosi një të tretë gjatë protestave antiraciste në verën e 2020-ës në Kenosha, në Uiskonsin, është shpallur i pafajshëm nga juria për të gjitha akuzat. I riu që në atë kohë ishte vetëm 17 vjec, pretendoi se kishte vepruar për të mbrojtur veten kundër manifestantëve. Vendimi, i destinuar të ndezë polemika dhe tensione në një qytet të blinduar nga roja kombëtare, vjen pas tre ditësh këshillimi të jurisë për procesin që e ka mbajtur amerikën të mbërthyer para televizionit. “Respektoj veprimin e jurisë. Sistemi gjyqësor funrksionon dhe duhet ta respektojmë”, ka thënë presidenti amerikan, Joe Biden duke ftuar të gjithë të shprehin këndvështrimet e tyre paqësisht. “Dhuna dhe shkatërrimi i pronës, ka nënvizuar ai – nuk kanë vend në demokracinë tonë.