Ngjarja për të cilën që në fillim u dyshua si ishte një vrasje mafioze, e më pas u deklarua si një vetësakrifikim është nën hetim intensiv nga Policia. Kjo e fundit nuk është fort e bindur në vetëflijimin e 32 vjeçarit, ndaj ka kërkuar të identifikojë disa të dhëna të tjera, duke marrë për referencë pamje të mundshme filmike. Viktima Armand Mici mund të jetë vrarë nga ndonjë person dhe më pas mund të jetë djegur ne makinën e tij të tipit Passat për të ngritur alibinë e një vetëflijimi, por edhe zhdukje të gjurmëve. Sipas autoriteteve, dyshohet se viktima është thirrur nga disa pesona të paidentifikuar për të shkuar në vendin ku u gjend i shkrumbuar me një pasi prej 13 litrash benzinë. Sasia e lëndës djegëse u konfirmua edhe nga punonjësi i karbuantit, ku viktima ndaloi përpara se të gjendej i vdekur. E gjitha u zbulua nga kamerat e sigurisë të cilat ndodhen edhe në pikën e karbuantit por edhe përgjatë rrugës që përshoi i riu deri në Krrabë. I pyetur nga grupi hetimor, në lidhje me veprimet e 32 vjecarit në momentin që bleu benzinës, punonjësi i karbuantit tha se ai nuk dukej i dyshimtë dhe se veprimet e tij ishin mëse normale. Ndërsa shtoi se, e ka pyetur viktimën pse i duhej një sasi kaq e madhe me benzinë në bidon, ndërsa 32 vjeçari i është përgjigjur se e kishte lënë makina në Krrabë, pra në vendin ku u gjet pa jetë, ndërsa në kamerat e karburantit shfaqet me makinën në pronësi të tij. Një tjetër pikë dyshimi është sesi dhe përse viktima u gjet i vdekur në sediljet e pasme të automjetit. Grupi hetimor, i cili ka marrë në ngarkim këtë ngjarje, po punon pa ndalur për zbardhjen e plotë të kësaj ngjarjeje që më shumë ka gjasa të jetë një vrasje sesa vetëvrasje, përmes djegies me benzinë.