Mikel Selimaj nga Vlora, i dyshuar për vrasjen e 41-vjeçarit Altin Arapaj, i cili u gjet i pajetë në një vresht në Rafina është vënë në prangat e policicisë në në një apartament të marrë me qira në Greqi. Policia u nis pas një thirrjeje nga pronari i apartamentit, i shqetësuar pasi qiramarrësi nuk kishte dhënë shenja jete gjatë gjithë ditës. Pasi tentuan të hynin brenda banesës dhe me ndihmën e një tekniku, 46-vjeçari iu përgjigj atyre, duke u bërë i mundur arrestimi. Pak para se të humbte jetën viktima kishte telefonuar gruan e tij, duke i thënë se kishte marrë një goditje dhe i kërkoi ndihmë: “Më qëlloi Keli. Më ndihmo. Kërko dhe më gjej.” Falë gjurmëve të telefonit celular, policia gjeti aparatin dhe më pas trupin e pajetë të viktimës në një vresht, ku besohet se autori e kishte transportuar. Mikel Selimaj, viktima dhe dy persona të tjerë nga Shqipëria, të cilët janë ende në kërkim, ishin takuar më parë në plazhin e Lucës. Ata u nisën së bashku me makinën e autorit të dyshuar dhe bënë një ndalesë në një fushë, ku viktima dhe autori u përfshinë në një grindje, e cila përfundoi me vrasjen e Altin Arapajt me armë. Të dy personat kanë precedentë për drogë, dhe policia dyshon se mosmarrëveshjet për trafik droge mund të jenë motivi kryesor i vrasjes.