Pak pas vrasjes së liderit politik të Hamasit Ismail Haniyeh, kryeministri izraelit, Benjamin Netanyahu ka reaguar duke thënë se do të përgjigjen me forcë ndaj sulmeve kundër tyre. “Qytetarë të Izraelit, na presin ditë sfiduese. Prej sulmit në Bejrut, kërcënimet po vijnë nga të gjitha drejtimet. Ne jemi të përgatitur për të gjithë skenarët dhe do të qëndrojmë të bashkuar dhe të vendosur kundër kërcënimeve që na vijnë. Izraeli do të përgjigjet fuqishëm kundër agresionit kundër nesh”, tha Netanyahu në një deklaratë për mediat. Ky ishte reagimi i parë publik i bërë nga Netanjahu, që kur u vra në Teheran lideri i Hamasit, mehgjithatë në asnjë mment kryeministri izraelit nuk përmendi vrasjen e kundërshtarit të tij. Menjëherë pas vrasjes, Hamasi dhe Irani kanë bërë përgjegjës Izraelin. Kjo ngjarje është cilësuar si tejet e rëndë për shkak se ka rritur tensionet dhe ka shtuar rrezikun për përshkalëzimin e konfliktit më gjerë. Ismail Haniyeh, një nga liderët kryesorë të Hamasit, u vra së bashku me një truprojat e tij në Iran në rezidencën e tij në Teheran e cila u godit nga një sulm.