Gjykata e Tiranës ka dënuar me 25 vite burg babë e bir Faik e Shkëlzen Bucin, për vrasjen e Eglantina Bucit, ngjarje e ndodhur në muajin shkurt të vitit 2012. Faik Buci në bashkëpunimin me djalin e tij Shkëlzen Buci, ekzektuan me armë zjarri vajzën Eglantina dhe e varrosën atë tek Mali me Gropa ne Dajt. 23 vjeçarja Eglantina u largua nga shtëpia e saj për të jetuar me të dashurin, ndërsa kjo gjë u konsiderua si ç’nderim për familjen dhe shtyu vëllain e saj Shkëlzenin ta vristë atë me armë zjarri. Ky i fundit Shkëlzeni kishte lënë takim me të motrën tek zona e Freskut, ku në kërcënimin e armës e mori në makinë dhe më pas e vrau me plumb në kokë. Pas krimit të rëndë, babë e bir morën trupin e pajetë të vajzës dhe e groposën te Mali me Gropa. Një muaj pas ngjarjes, kafshët e egra zbuluan trupin e pajetë të 23 vjecares, ndërsa një ditë u gjet nga një gjahtar i zonës. Ky i fundit njoftoi policinë. Pas ekspertizës mjekoligjore doli në përfundim se eshtrat I përkisnin Eglantina bucit. Kjo e fundit ishte shpallur në kërkim nga e ëma e saj. I ati, Faiku, teksa u pyet nga policia lidhur me humbjen e gjurmëve të së bijës, ai tha për efektivët se vajza e tij punon si prostitutë në shtetin Italian. Policia ngriti dyshime kur familjarët nuk bënin asnjë kërkim apo tentativë për ta gjetur. Derisa në 2017 Shkëlzen Buçi ra në prangat e Policisë pas atentatit ndaj një shtetasi të quajtur Mishel Prela. Në pranga për këtë krim ra edhe Miklar Tola i cili bashkëpunoi me drejtësinë dhe rrëfeu për uniformat blu edhe vrasjen e Eglantinës, që sipas tij Shkëlzeni e vrau në sy të tij.