Shkresa e strukturës policore OFL mbërriti mesditën e së martës në Vlorë pë shtetasin Aleksandër Llanaj. Për të është lënë detyrimi prej 48 orësh që të justifikojë pasurinë, në të kundërt për të do të vendoset masa e sekuestros pasi dosja të përcillet në SPAK dhe kjo e fundit ta dërgojë më tej në gjykatë. Llanaj akuzohet për "vrasje kundër dy ose më shumë personave” dhe aktualisht ndodhet në burg. Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë edhe dy personave të tjerë nga Fieri Vladimir dhe Shpëtim Cilotaj Gjykata e Fierit ka caktuar për ta masën e sigurisë “Arrest në burg”, për veprat penale vrasje me paramendim dhe shfrytëzim prostitucioni, si dhe Prodhim e shitje e lëndëve narkotike e kryer në bashkëpunim.