Gjykata e Durrësit la në burg dy autorët e dyshuar të vrasjes së 32 vjecares Luljeta Preza, pak ditë më parë, ngjarje e shënuar poshtë Urës së Dajlanit. Ylli Grabovari 45 vjec dhe Aldo Brahimi 22 vjec, të akuzuar për kryerjen e veprës penale “Vrasja me dashje”, kryer në bashkëpunim, janë dy personat që u vendosën në prangat e policisë lidhur me këtë ngjarje, ndërsa tre të tjerë janë nën hetim nga prokurorët e cështjes. Në senacën gjyqsore, të pranishëm ishin edhe familjarët e dy të akuzurve. Nëna e Aldo Brahimit kërkoi që djali i saj të kalbet në burg, nëse vërtetohet se ai ka gisht në vrasje. Donika Hamzaj dhe njerku i 22 vjecarit Aldo Brahimi thanë se djali i tyre nuk vinte në shtëpi prej disa javësh dhe se ishte larguar për të mbledhur kanace. E ëma shtoi se nuk kishte dijeni se me çfarë merrej i biri, deri në momention që policia iu shfaq në derën e shtëpisë.