Presidentja e Komisionit Evropian, Ursula von der Leyen, në finalen e madhe të Euro 2020, do të bëjë tifo për kombëtaren e Italisë. Ursula von der Leyen u tha gazetarëve në Bruksel se “zemra e saj është me skuadrën Azurre”. Politikania gjermane zgjodhi Italinë pasi Anglia mposhti ekipin e saj kombëtar me rezultatin 2-0, më herët gjatë kampionatit. Por, për britanikët që zgjodhën më herët të dilnin nga bashkimi evropian, fakti që von der Leyen bën tifo për Italinë, është një shenjë e mirë, pasi sipas tyre, ky do të jetë një inkurajim që skuadra e tyre të bëjë të pamundurën për të fituar finalen e të dielës. Ndoshta preferenca e von der Leyen ka të bëjë edhe me faktin se Italia është anëtare e Bllokut ndërsa anglia jo më. Tani, Italia qëndron mes Anglisë dhe fitores së parë në një turne të rëndësishëm ndërkombëtar në plot 55 vite, që nga kupa e botës në 1966. Ëembley do të jehojë sërish për finalen e të dielës, me më shumë se 60 mijë fansa fatlum që do të jenë prezent atje. Kryeministri Boris Johnson pritet të jetë në stadium po ashtu.