Dihet se Vladimir Putin, llogarit gjithcka. Një telefonatë me Donald Trump në prag të vizitës së Volodimir Zelenskit, nuk ishte rastësi. Kremlini është shumë i vetëdijshëm për ndryshimin e dukshëm të qëndrimit të presidentit amerikan ndaj Ukrainës dhe ka frikë se kjo mund të përkthehet në dhënien e lejes për të përdorur raketat amerikane Tomahaëk. Kjo ishte një përpjekje e qartë për të ndaluar armët, të cilat Moska i konsideron si një përshkallëzim të rrezikshëm, dhe për ta rikthyer Donald Trumpin në krah të Rusisë. Duke gjykuar nga deklarata e Shtëpisë së Bardhë për telefonatën e së enjtes, Vladimir Putin duket se ka pasur njëfarë suksesi. Në vend të kërcënimeve dhe kritikave, retorika e Trump ndaj Rusisë është përsëri e ngrohtë dhe e paqartë. Ai e përshkroi telefonatën si "shumë produktive", pretendoi se udhëheqësit bënë "përparim të madh" dhe, më e rëndësishmja, tha se do të ketë një samit tjetër.