Gryphon, varianti i covidit që shkencëtarët e kanë kataloguar së fundmi si nënvariantin XBB.1.5 të virusit SarsCov2, mund të jetë përgjegjës për shpërthimin e epidemisë së koronavirusit në Kinë. Bashkë me zbutjen e kufizimeve, nënvarianti në qarkullim që nga tetori mund të luajë një rol të rëndësishëm në rritjen e infektimeve dhe shtrimeve në spital. Sidoqoftë, mungon siguria shkencore dhe kjo ndodh, pasi Kina nuk ndan të dhënat me komunitetin ndërkobëtar. Nëse është mutacioni i virusit ai që po rikthen panikun, është ende një hipotezë, por ekspertët po e shqyrtojnë mundësinë shumë seriozisht. Numri i viktimave të kovidit këto kohë në Kinë është jashtë kontrollit dhe deri më tani ëhstë folur vetëm për mundësinë që në qarkullim ka një apo më shumë variante të reja. Varianti i ri, tashmë ka dalë madje nga kufijtë e kinës dhe është konfirmuar në Itali, Francë, Belgjikë, Gjermani, spanjë dhe mbretërinë e bashkuar. Gryphon më herët është konfirmuar edhe në australi, kanada e shtetet e bashkuara të amerikës. Ajo që e bën variantin shumë ngjitës është një mutacion që e lejon ti shpëtojë antitrupave të zhvilluara si nga infektimet me Omicron 5 ashtu dhe nga vaksinat. Ndërkohë, varianti i ri përmban edhe mutacione në proteinën Spike që përdoret nga virusi për të hyrë në qelizat njerëzore.