Organizata Botërore e Shëndetësisë, në një deklaratë, ka konfirmuar vdekjen e një personi në meksikë për shkak të një infeksioni human nga virusi i gripit të shpendëve H5N2. Bëhet fjalë për rastin e parë në botë. Personi i ndarë nga jeta është në fakt një 59 vjecar i prekur nga disa patologji. Rasti ishte sinjalizuar pranë autoriteteve meksikane më 23 maj. Bazuar në informacionet e disponueshme deri më tani, OBSH e vlerëson të ulët rrezikun që ky virus paraqet aktualisht për popullatën e përgjithshme. Nga 17 prilli, viktima po shfaqte simptoma mes të cilave ethe, gulçim, diarre, të vjella dhe gjendje të rënduar në përgjithësi. Sipas OBSH-së, lloji i këtij virusi është i ndryshëm nga virusi më i zakonshëm H5N1 që ka shkaktuar një epidemi në mesin e bagëtive në Shtetet e Bashkuara dhe që infektoi tre punëtorë të fermave të qumështit në këtë vend.