Dëbora e parë për këtë vit ka nisur në zonat malore të vendit, teksa në zonat e ulëta reshjet kanë qenë në formën e shiut. Në Kukës, dëbora ka filluar të bjerë në zonat malore mbi 700 metra, duke sjellë ulje të mëtejshme të temperaturave. Reshje bore janë shënuar edhe në afërsi të tunelit të Kalimashit, përgjatë Rrugës së Kombit, duke vështirësuar qarkullimin e automjeteve. Në zonat e thella malore termometri ka zbritur nga minus 3 deri në minus 16 gradë Celsius. Reshjet dëbore janë regjistruar edhe në Qafë Thanë, në Pogradec me intensitet të ulët deri në mesatar, ndërsa temperaturat shënojnë vlera negative. Deri në mesdite nuk u raportuan probleme në qarkullimin rrugor.